saleum lon peu ek rakan meutuah
bacut lon kisah piasan donya
donya ka akhe le ureueng pitam
keu phon pimpinan nyang meunan rupa
timu ngon barat macam piasan
le that pimpinan meucawo haba
geujok peurintah han jimatong akhai
lage piasan ka titah raja
uroe nyoe meuno oh singoh meudeh
saban peureuseh lidah meuruwa
male hana le wahe e wareh
saleh ka habeh iman binasa
peu tubit titah kiban meuhet droe
hana geupako tokoh ulamana
nyang ka leupah han jeut gisa le
beuthat meupake geukarat saja
muken nyang keuh nyoe donya ka akhe
raja le jahe ban sigom donya
meunyoe ta jok but bukon bak ahli
han pat le takhi hanco troh teuka
Ie Masen Kaye Adang, 28 Mei 2010.
Sumber: Serambi Indonesia, 21 Nov 2010
* WIRDUNA TRIPA, mahasiswa Gemasastrin FKIP Unsyiah, peminat sastra Aceh.
Tidak ada komentar:
Posting Komentar
Pesan Anda