Hiem

Hi’em

1. Mak payoeng ijo
Aneuk payoeng sutra. Peu nyan?
‘bak pisang’

2. Bak sibak on si on
Meuribe thon han mala. Peu nyan?
‘aweuek’

3. On ube-be peudeung
Boh jih han ek tabileueng. Peu nyan?
‘boh jok’

4. On ube-be rencoeng
Boh ube-be tuyong. Peu nyan?
‘boh u’

5. On ube-be jeue
Bak ube-be ale. Peu nyan?
‘bak euempeuek’

6. Him-hop
Boh sikai peunoh kanot. Peunyan?
‘boh’

7. Ticem puteh
jilumpat pageu. Peu nyan?
‘ie babah’

8. Ta koh sibak
Rubah bandum. Peu nyan?
‘ureueng seumayang’

Uswatun Khasanah
Banda Aceh






Hi’em
1. Arang ube bruk
Meusipreuk bansaboh donya. Peu nyan?
‘mata uro’

2. Et no et medan
Tajak na trok than. Peu nyan?
‘kilang ceumeucop’

3. Ek gle tren gle
Meu tume aneuk gajah meukude. Peu nyan?
‘boh panah’

4. Blah deh lhok blah no lhok
Meujok-jok bak ujoeng jaroe, peu nyan?
‘due rumoh’

5. Mak jih ji eh
Aneuk jih ji gule-gule. Peu nyan?
‘batee lada’

6. On ube-be euemoing
Boh kiwing-kiwing. Peu nyan?
‘boh me’

7. On ube-be jeue
Boh ube-be aleh. Peu nyan?
‘boh putek’

8. Ma di sinan yah di sinan
Bak ujoeng boh laen nan. Peu nyan?
‘boh jantoeng’

9. Him-hop
Bu sikai punoh kanot, peu nyan?
‘boh janeng’

10. Apui hu
Bak ujoeng ranteng. Peu nyan?
‘boh campli’

Raziah
Banda Aceh


Panton

Taek u gle ta tarek awe
Pileh nyang sebe puwo u teumpat
Masa lam onya bek roh lam jahe
Beudoh bah hate jino ta tobat

Bukon saying ta pandang euekot
Di dalam laot ji wet-wet ikue
Bek le lalo beungoh ngon seupot
Beuna ta takot keu siksa kubu

Bukon sayang ta pandang tiong
Ateueh bak rambot sijudo dua
Aleran donya bek that ta sanjoeng
Nuraka tutoeng ta ingat beuna

Bak ie raya bek ta boh ampeh
Bak ie tireh bek ta then bube
Bek ta meurakan ngon si paleh
Hareuta teueh habeh geutanyoe male
Alfi Husna
Banda Aceh