Selasa, 27 April 2010

Panton

Ie krueng tripa ile meusintoeng
Ie krueng geudoeng ile meuputa
Udep lam donya bek euemboeng-euemboeng
Beutate untoeng wahe syedara

Kota meulaboh ceudah bukon le
Bak ujoeng pante pulo Sumatra
Beuna taingat keu uro page
Bek lale meujahe ‘oh wate lam donya

Alue bilie jalan meuwet-wet
Keulapak sawet punoh silingka
Bahkeueh teungku bahkeueh sayed
Asai sulet aso nuraka



Aneuk burujuk seunang bukon le
Ateueh bak pade meusuka ria
Tatuntut ‘eleumee beusare-sare
Beu ek meuhase peusenang poma

Pade sigupai tatajok di gle
Meunyoe pade P pula lam paya
meunyoe ka tajak beu ek meusampe
ta puwo S.Pd. keudeh bak poma

Wirduna
Banda Aceh

Tidak ada komentar:

Posting Komentar

Pesan Anda